Vastaa Viestiin

Déchiffrage bail de fermage de 1580 -RESOLU-

micheldeberne1
micheldeberne1
Viestit: 2
Sukupuu: Ei-graafinen
Tarkastele heidän sukupuutaan.
Bonjour,

Après le déchiffrage d'un bail de 1548 effectué par Christian je relance un autre bail de 1580 qui doit concerner le fils de mon aieul...
Pouvez-vous me le déchiffrer?

Merci beaucoup,

Michel DEBERNE
Liitteet
1.jpg
2.jpg
1.jpg
2.jpg
3.jpg
4.jpg
5.jpg
6.jpg
7.jpg

eillecni
male
Viestit: 239
Sukupuu: Graafinen
Tarkastele heidän sukupuutaan.
Bonsoir,
Je vous propose la transcription suivante. Bonne lecture.
Cordialement,
Alain

Page 1
1. A tous ceulx qui ces présentes lettres verront Claude Degynes, licencié
en loix, advocat au siège présidial d'Orléans, bailly et juge ordinaire
de la ville et chastellenye de Jargueau, salut. Savoir faisons
que pardevant Georges Poignart, notaire tabellion, juré du
5. seel et escripture de lad. ville et chastellenye, comparut
en personne vénérable et discrette personne M(essir)e Estienne
Chêne, prebtre doyan et chanoine de l'église de Jargueau, au
nom et comme soy faisant fort et ayant charge de noble
homme et saige Messire Claude Anforrant conseillier du
10. roy nostre sire en sa court de parlement à Paris, et de
Damoiselle Geneviefve Courtin sa femme, s(eigneu)r de la Tingy
et de Cloye, lequel cognut et confessa aud. nom
avoir baillé et par ces présentes baille à tiltre de
moictié de tous fruictz, du jour et feste de Toussaincts
15. dernière passé jusques à cinq ans après venans et
ensuyvans, à Symon Debernes, laboureur demourant
au lieu de l'Estang de Coques parroisse de Mardyé,
présent, qui a confessé avoir pris et prent dud.
bailleur aud. nom aud. tiltre led. temps durant
20. led. lieu de l'Estang aultrement appellé Coques,
lequel lieu se consiste en maison, grange,
bergeries, estables, le tout de muraille et couvert
de thuille, court, vergiers, terres, labourables,
préz, pastiz, pastures tant à bestes blanches ch......

Page 2
25. que à cornes, et aultres appertenances d'icelluy lieu et fief,
avec le lieu du Bouchet cy devant acquis par led. Sr de la Tingy
de Guillaume Bordeau de Jargueau; lequel lieu se consiste
aussi en terres, préz, pastiz et aultres appertenances quelzconques,
assis en lad. parroisse de Mardyé en lad. chastellenye de Jargueau,
30. ensemble les terres labourables deppendans de la maison
(par)ro(issi)alle de Mardyé appertenans aud. Sr de la Tingy que soulloit
labourer Fyrmin Baraton dud. Mardyé. De la situation desd.
lieux et terres led. preneur s'est tenu et tient pour content,
ces présens bail et prinse faictz moyennant et par ainsi
35. que led. preneur a promis et sera tenu labourer et cultiver
lesd. terres bien et deuement en temps et saison deue, sans
dessaisonner ; par chascun an durant led. temps, les fumer et
admender des fyens et fumyers qui seront faictz aud. lieu
de l'Estang, sans en pouvoir vendre, oster ne mener en
40. aultres terres. Fournyront lesd. Sr et preneur par moictié
de tous grains qu'il conviendra mectre et ensemencer
esd. terres par chascune desd. années, comme froment, seigle,
orge, avène, vesse, mil, pois et febves. Sera led. preneur
tenu à ses despans sayer, recueillir les desblées et graines
45. desd. terres; pour lequel sayaige et cueillette led. Sr
sera tenu payer et bailler chascun an pendant led. temps
aud. preneur la somme de cinq escuz d'or sol,
lesquelz graines et desblées ilz partiront à la gerbe
sur le champ par moictié; et après led. partaige faict
50. sera led. preneur tenu admener et rendre tous lesd.

Page 3
graines et desblées tant dud. Sr que dud. preneur (des?) [aux]
granges dud. lieu de l'Estang et les y entasser. Ne
pourra led. preneur bailler ne transporter le droict de
tenue de ce présent bail ne portion d'icelluy à aulcunes
55. personnes que ce soient sans le vouloir et consentement
dud. Sr de la Tingy. Et à la fin du temps de ce présent
bail laisser lesd. lieux et mestairies de l'Estang
et du Bouchet affenéz des fourraiges qui seront
recueillyz icelle dernière année desd. lieux et selon
60. qu'il est requis et acoustumé faire au pays, lesquelz
lieux, mesmes les édiffices et bastimens d'icelluy
lieu de l'Estang, led. preneur rendra à la fin
dud. temps en bon estat de menues réparations.
Lequel bailleur aud. nom a retenu et réservé
65. pour led. Sr de la Tingy les deux estangs
deppendans et estans des appertenances dud. lieu de
l'Estang pour d'iceulx en faire et disposer au
plaisir et vouloir dud. Sr de la Tingy, et sans que
led. preneur y puisse rien prétendre ne demander.
70. Sera led . preneur tenu nourrir et gouverner aud.
lieu le bestial cy après déclairé et aultre
que luy vouldroit cy après bailler led. Sr de la
Tingy; et à la fin dud. temps en rendre bon compte
et reliqua aud. Sr, sans rien en vendre ne oster,
75. sinon du consentement et gré dud. Sr. A la fin

Page 4
duquel temps partiront lesd. Sr et preneur led. bestial
avec le croist qui en sera yssu et se trouvera lors
selon qu'ilz en auront fourny, et le croist qui en ystra
par moictié. Prandra led. preneur entièrement
80. tout le foyn qui proviendra esd. lieux chascun an
pendant led. temps, avec tous les neveaulx qui
se feront aud. lieu pour subvenir à la nourriture
dud. bestial, sans en vendre ne transporter ailleurs.
Oultre ce, sera led. preneur tenu bailler aud.
85. Sr de la Tingy par chascun an six livres de beurre
et six fromaiges le tout bon et convenable; aussi
fera led. preneur à ses despens par chascune desd. années
dix huict journées de charroir quant par led.
Sr ou son procureur en sera requis, tant en la ville
90. d'Orléans, en la ville de Jargueau que de la Tingy.
Aussi sera led. preneur tenu mener à ses despens
en lad. ville de Jargueau ou sur le port de la rivière
les graines appertenans aud. Sr de la Tingy
desd. lieux de l'Estang, du Bouchet, terres et appertenances
95. au présent bailléz, si bon semble aud. Sr. Sera led.
preneur tenu fournir d'un homme pour ayder à
curer les fousséz qui sont alentour des terres
desd. lieux quant besoing sera. Baillera et
fournyra led. preneur à ses despens aud. Sr le

Page 5
100. présent bail en forme deue quant requis en sera. Oultre ce,
sera led. preneur tenu bailler par chascun an pendant led.
temps aud. Sr ung porc sus anne vallant deux escuz
d'or sol. Ne souffrira led. preneur entreprandre
aulcune chose soit par sousfrance ou aultrement sur
105. lesd. terres et pasturaiges; et où aulcuns y vouldroient
entreprandre sera led. preneur tenu en advertir led.
Sr de la Tingy ou ses procureurs dedans huyctaine de lad.
entreprinse. Et a led. preneur confessé, dit et déclaré)
que led. Chêne, bailleur pour led. Sr de la Tingy, ...
110. a baillé et livré et qu'il a en sa possession le be(stial)
qui ensuict. Assavoir, ung beuf nommé Gry(ca...)
estimé six escuz d'or sol; item ung aultre beuf
nommé Blondeau ausssi estimé six escuz d'or sol; item
ung aultre beuf soub poil rouge appellé Fier estimé
115. six escuz d'or sol; item ung beuf soub poil rouge
et blanc appellé Foillet et ung aultre beuf soub poil
noir appellé Taulpin, estiméz lesd. deux beufz
huict escuz d'or sol quarent solz tournois; item ung
aultre beuf soub poil noir estimé quatre escuz d'or sol ;
120. item deux thoreaulx dont l'un vient à deux ans soub
poil brun nommé Romarin et l'aultre de ceste année
soub poil brun et blanc nommé Luneau estiméz lesd.
deux thoreaulx cinq escuz d'or sol; item quatre vaches,
l'une nommée Fiette aagée de huict ans, l'aultre

Page 6
125. appellée Rogette aagée de sept ans, l'aultre de poil
noir nommée Serette aagée de cinq ans et l'aultre
qui est une thore preaige aagée de trois ans appellée
Cerise, estimées ensemble vingt escuz d'or sol; item
une jument soub poil d'estourneau aagée de quatre
130. ans estimée huict excuz d'or sol trente solz tournois.
Tout lequel bestial cy dessus déclaré appertient aud.
Sr de la Tingy. Plus a led. Debernes preneur déclaré
avoir admené aud. lieu de l'Estang et avoir à présent en sa
possession ung beuf nommé Roger aagé de quatre
135. ans estimé quatre escuz d'or vingt solz tournois; item
ung beuf à la queue blanche nommé Tryneau estimé
six escuz d'or sol; item ung aultre beuf ayant
les piedz et la queue blanche de l'aage de trois ans
nommé Brenot aussi estimé six escuz d'or sol;
140. item ung cheval poil bayard de l'aage de
trois ans et une petite poulline soub poil noir
de ceste présente année, estiméz huict escuz d'or sol trente
solz tournois, dont led. preneur a fourny et mis
à l'encontre du bestial fourny par led. Sr de la Tingy
145. sur partie de l'estimation d'icelluy bestial. Toutes
lesquelles bestes cy dessus déclarées led. preneur
a promis et sera tenu tenir, nourrir, garder et gouverner
bien et deuement ainsi qu'il appertient, selon et ainsi
que dessus est dit, et soub l'estimation que dessus,

Page 7
150. dont il ne pourra vendre ne oster aulcune chose
sans le vouloir et gré dud. Sr de la Tingy et à la fin
dud. temps en rendre bon compte et reliqua comme
dit est. Promectant led. preneur par sa foy
pardevant led. notaire, jure non venir contre lad.
155. prinse à moictié, promesses et choses cy dessus
déclairées ne aulcunes d'icelles en aulcune manière,
ains les avoir agréables, tenir, entretenir, faire, fournir,
exécuter et acomplir de poinct en poinct, selon et ainsi
que dit est pendant led. temps, sans aulcune
160. infraction, soub l'obligation de luy, ses hoirs de
tous ses biens meubles et immeubles, présents
et advenir, qu'il a pour ce soubmis à la juridiction
et contraincte de lad. ville et chatellenye et à toutes
aultres, renonçant à toutes choses à ce contraires.
165. En tesmoing de ce nous au relat dud. notaire
avons faict seeller ces présentes dud. seel. Ce faict
et passé es présences de Silvain Drouault, laboureur demourant
au lieu de Sainct Nicolas de Lavone ? parroisse de St Denys,
lez led. Jargueau, et Jehan Picault vigneron demourant
170. en lad. parroisse de Mardyé, filz à feu Martin Picault,
pour tesmoings ad ce appelléz et requis, le trentiesme et penultiesme
jour de décembre l'an mil cinq cens quatre vingts, heure
de dix heures de matin, en l'hostel dud. notaire. La mynutte
des présentes est signée desd. Chêne et Picault, et au regard desd.
175. preneur et Drouault, ont déclaré ne savoir signer.
Signature : Degynes

micheltenu
micheltenu
Viestit: 22
Sukupuu: Ei-graafinen
Tarkastele heidän sukupuutaan.
Merci beaucoup Alain d'avoir passé de votre temps à me déchiffrer ces documents.
Grâce à votre travail je peux préciser les dates d'activité de mes ancêtres et mieux les connaitre.
Très sincèrement Michel DEBERNE

pauvert
pauvert
Modérateur bénévole
Viestit: 7044
Sukupuu: Graafinen
Tarkastele heidän sukupuutaan.
micheltenu kirjoitti:
27 Elokuu 2020, 11:12
Merci beaucoup Alain d'avoir passé de votre temps à me déchiffrer ces documents.
Grâce à votre travail je peux préciser les dates d'activité de mes ancêtres et mieux les connaitre.
Très sincèrement Michel DEBERNE
Bonjour. Ne cliquez pas sur le ! pour noter en résolu, mais éditez votre titre et modifiez-le, je le fais pour vous.
Je ne réponds pas aux sollicitations par messagerie concernant la modération, merci.
-----------------------------
MERCI DE PASSER VOS DEMANDES EN -RESOLU- LORSQU'ELLES LE SONT AVEC LE PETIT CRAYON A DROITE DU TITRE DE VOTRE PREMIER MESSAGE

Vastaa Viestiin

Palaa sivulle “Paléographie en français (lecture de textes anciens)”